ஒன்று… இரண்டு... மூன்று...!
ஒன்றும் ஒன்றும் இரண்டு!
உலகம் சுழலும் உருண்டு!
இரண்டும் ஒன்றும் மூன்று!
இனிமைக் குத்தேன் சான்று!
மூன்றும் ஒன்றும் நான்கு!
மூத்தோர் அன்பைத் தாங்கு!
நான்கும் ஒன்றும் ஐந்து!
நாயின் நன்றி ஏந்து!
ஐந்தும் ஒன்றும் ஆறு!
ஆழ உழுவார் ஏரு!
ஆறும் ஒன்றும் ஏழு!
அன்பால் அமுதாம் கூழு!
ஏழும் ஒன்றும் எட்டு!
எழிலைக் கூட்டும் பொட்டு!
எட்டும் ஒன்றும் ஒன்பது!
என்றும் கோவம் தீயது!
ஒன்பதும் ஒன்றும் பத்து!
ஒளிரும் அழகு முத்து!
(23-7-2011ஆம் நாள் ‘தினமணி சிறுவர் மணி’யில் வந்தது)
3 கருத்துகள்:
அழகான பாடல்
அருமையான பாட்டு!
அருமையான பாட்டுகள்!
கருத்துரையிடுக